პანგო

ისტორია

ეს საყვარელი ძაღლი სამეგრელოში, მაგისტრალზე ვიპოვეთ, სადაც დიდ ძაღლები ესხმოდნენ თავს. განმეორებითი თავდასხმების შედეგად თვალი სერიოზულად დაუზიანდა და ქირურგიულად ამოღება დასჭირდა. ახლა ის ულამაზესი ცალთვალა ბიჭია. ამის გარდა, სრულიად ჯანმრთელია. წარმოუდგენლად თბილი ხასიათი აქვს. უზომოდ უყვარს მოფერება, ყურადღება და ადამიანების გარემოცვაში ყოფნა. არის მშვიდი, ნაზი და საბელზე ძალიან კარგად დადის. მარტო დარჩენისას ცოტას სევდიანდება და ტირის, უბრალოდ იმიტომ, რომ ადამიანებთან ყოფნა ასე ძალიან უყვარს. ჩინებულად ეწყობა ბავშვებსა და სხვა ძაღლებს. ჯერჯერობით არ ვიცით, როგორ იქცევა კატებთან. ამ საყვარელმა ბიჭმა საკმარისზე მეტი გადაიტანა. ის იმსახურებს მოსიყვარულე, მზრუნველ ოჯახს, რომელიც აჩუქებს იმ უსაფრთხოებას, სითბოსა და ბედნიერებას, რასაც ყოველთვის იმსახურებდა.