ისტორია

ცქრიალა Hamon. საიდან მოვიდა Hamon, არ ვიცით; ერთ დღეს, ჩვენს უბანში სრულიად მოულოდნელად გამოჩნდა. ის არავის აწუხებდა, მაგრამ ხომ იცით, ზოგი ადამიანი ბუნებით მოუხერხებელი რომ არის – ისეთი, ვისაც გამუდმებით ჭურჭელი უვარდება ან მინის კარს ეჯახება? სწორედ ასეთია Hamon. კინაღამ მანქანამ გაიტანა, ერთხელ კიბეებიდან დაგორდა, შემდეგ ფუტკარმა უკბინა და ისიც კი შევამჩნიეთ, რომ ერთი კბილი აკლია. ბოლო წვეთი კი ის აღმოჩნდა, როდესაც სხვა ძაღლი დაესხა თავს და კისერში სასტიკად უკბინა. ამის შემდეგ ის დროებით სახლში გადავიყვანეთ და ახლა მზრუნველ პატრონს ელოდება, რადგან მისი ქუჩაში დატოვება იმას ნიშნავს, რომ აუცილებლად ისევ რაიმე შარში გაეხვევა. ყოველგვარი გადაჭარბების გარეშე, Hamon იდეალური საოჯახო ძაღლია. ძალიან თბილია, სიყვარულსა და ალერსს გამოხატავს, ბავშვებთან ნაზია, სხვა ძაღლებთან მეგობრული, კატებს კი საერთოდ არ იმჩნევს. საბელზე კარგად დადის და სახლში მარტოც უპრობლემოდ რჩება – არაფერს აფუჭებს და უმიზეზოდ არასდროს ყეფს. უბრალოდ, ჩემოდანივით წევს ხოლმე.