ისტორია

გაიცანით Joy და, დიახ, ეს სახელი მას იდეალურად შეეფერება. Joy 6 წლის ბედნიერების გორგალია, რომელმაც უკვე იმაზე მეტი გადაიტანა, ვიდრე რომელიმე ძაღლმა ოდესმე უნდა გადაიტანოს. ის თითქმის 2 წლის განმავლობაში მამაცურად ებრძოდა ტრანსმისიულ ვენერიულ სიმსივნეს, ახლა კი სრულიად ჯანმრთელია და მზადაა, თავისი სამუდამო სახლი იპოვოს. სიარულისას უკანა ნაწილს განსაკუთრებულად აქიცინებს და სასუსნავების სიყვარულის სრულებითაც არ რცხვენია; თუმცა, ამ ბოლო დროს პურსა და ნამცხვრებს ხარისხიან საკვებზე ცვლის, წასახემსებლად კი ვაშლს, ხურმასა და ბანანს მიირთმევს. ისეთ ოჯახს ეძებს, რომელიც ჯანსაღი ცხოვრების წესის შენარჩუნებაში დაეხმარება. თავისი მომრგვალებული ფორმებისა და ოდნავ მოღუნული ფეხების მიუხედავად, სისწრაფით მაინც გაგაოცებთ: მოქმედებაში პატარა, შავ, ფუმფულა ბეჰემოთს ჰგავს. ღიპზე მოფერება მსოფლიოში ყველაზე მეტად უყვარს (მეორე ადგილზე კი დივანზე ნებივრობაა). Joy-ს სჯერა, რომ სახლში ყველაფერი მისი ზედამხედველობის ქვეშ უნდა იყოს: იქნება ეს სააბაზანოში შესვლა, სამზარეულოში სტუმრობა თუ იატაკის სისუფთავის შემოწმება, ის თავის მოვალეობებს ძალიან სერიოზულად ეკიდება. საოცრად კომუნიკაბელურია და ყველასთან კარგად ეწყობა, ძაღლებთანაც და კატებთანაც. თუ კატა მის სკამს დაიკავებს, ის თავაზიანად დაელოდება თავის რიგს. Joy სუფთა სიყვარული, გამძლეობა და სათუთი სინაზეა, რომელიც ერთ, ძალიან ჩასახუტებელ არსებაშია თავმოყრილი. თუ ეძებთ ერთგულ კომპანიონს, რომელსაც მხიარული სული და დიდი გული აქვს, ის მზადაა თქვენთან შესახვედრად.