Story

🐾 მუთაქად წოდებული ქალბატონი დედა და მისი კალათა ბიჭი ეძებენ ოჯახს. 🫶 ბიბა არის 5 წლის უმშვიდესი, უნაზესი, მოფერების და სითბოს მაგნიტი. იდეალურად ითავსებს ფუმფულა ბალიშის ფუნქციას. ბიგლის მეტისი 10 კილოც არ იქნება, მისმა პატარა გულმა კი ბევრი ტკივილი იგრძნო. ოჯახის წევრებმა ავტობანზე გადააგდეს პატარა ლეკვთან ერთად. უცხო ადამიანებმა იპივეს აიყვანეს და ისევ ქუჩაში, მზიურის პარკში დასვეს. აქ გვიპოვა ჩვენ მისთვის საყვარელი ადამიანები, მოპუტკუნდა გათამამდა და თავი მნიშვნელოვნად იგრძნო. სამწუხაროდ შემფარებელთან გაშვება მოგვიწია. ძალიან განიცადა, გახდა და მოიწყინა, დაეწყო ნერვული გამოვლინებები, ვერ მიხვდა ასე უმიზეზოდ რატომ მოვაშორეთ ჩვენი ცხოვრებიდან. მაგრამ საქმე კრიტიკული იყო, ბიბას და ბობას სიკვდილით ემუქრებოდნენ. ამჟამად ქუთაისში ერთ-ერთ ეზოში ცხოვრობს. სწავლობს ოჯახში ცხოვრების წესებს და ემზადება ახალ პატრონთან შესახვედრად. 🐶 დედას ბუშტი ბობა გიგანტი ბიგლის მეტისია. უკვე 2 წელია დედას სისხლს უშრობს და მის კალთებს ეფარება. სინამდვილეში ბობა იდეალური ძაღლია ოჯახისთვის, ტკბილზე ტკბილი შაქარივით ბიჭია. იცავს თავის საყვარელ ადამიანებს. მშვიდად იქცევა კატებთან. არ არის აგრესიული სხვა ძაღლების მიმართ. თუ გაბრაზდება ტუჩებს ბერავს და კუთხეში თავისთვის იმალება. ერთადერთი მინუსი აქვთ - მოპედებს და სხვა ნებისმიერ მოძრავ საგნებს დასდევენ. ამის გამო ბევრი პრობლემა შეგვიქმნეს ჩვენ და საკუთარ თავებს. ორივეს სჭირდება პატრონი, ითხოვენ და სჭირდებათ ის სითბო რასაც ადამიანი აძლევს. ქუჩაში გადარჩენის შანსი საერთოდ არ აქვთ. მოერგებიან ყველანაირ პირობას, მთავარია უყვარდეთ და ზრუნავდნენ მათზე. ‼️✈️ ცოტა ხანში მზად იქნებიან საზღვარგარეთ გასაჩუქებლად.